The Pakistan Post
Daily News Publishing Portal

چار ماہ میں اپوزیشن کے تمام کیسز فائنل ہو جائیں گے ، جس جس نے چورن کھایا ،اس کو پھکی دی جائیگی، شیخ رشید احمد … نوازشریف نے اپنی سیاست کا جنازہ نکال دیا ہے، اب وہ ویسے ہی … مزید

10

حسن ابدال(اُردو پوائنٹ اخبارتازہ ترین – این این آئی۔ 18 اکتوبر2020ء) وفاقی وزیر شیخ رشید نے کہا ہے کہ چار ماہ میں اپوزیشن کے تمام کیسز فائنل ہو جائیں گے اور جس جس نے چورن کھایا ہے اس کو پھکی دی جائے گی۔ ریلوے اسٹیشن پر میڈیا سے بات کرتے ہوئے وفاقی وزیر شیخ رشید نے کہا کہ نوازشریف نے اپنی سیاست کا جنازہ نکال دیا ہے، اب وہ ویسے ہی ٹارزن بننے کی کوشش کررہے ہیں، انہیں پاکستان کے خلاف باتیں کرنے کا نقصان ہوگا۔شیخ رشید احمد نے کہا کہ 3 پارٹیوں کے الگ الگ ایجنڈے سامنے آئے ہیں،بلاول بھٹو قومی حکومت، مولانا فضل الرحمان انتخابات اور مسلم لیگ ن سب سمیٹنا چاہتی ہے تاہم 31 دسمبر سے 20 فروری تک جھاڑو پھر جائیگا، خوشی کی بات ہے عمران خان فرنٹ فٹ پر آگئے ہیں اور انہوں نے ان کو نہ چھوڑنے کا فیصلہ کرلیا ہے۔

(جاری ہے)

انہوںنے کہاکہ ان چار ماہ میں اپوزیشن کے تمام کیسز فائنل ہو جائیں گے، اور جس جس نے چورن کھایا ہے اس کو پھکی دی جائے گی، یہ سب لوگ سائیڈ پر ہوں گے۔

انہوںنے کہاکہ سابق وزیر اعظم نواز شریف کی تقریرغیرذمہ دارانہ تھی جس میں پاکستان کی عظیم فوج کے خلاف باتیں کی گئیں۔وزیر ریلوے نے کہا کہ گوجرانوالہ جلسے میں شرمناک زبان استعمال کی گئی ۔ انہوںنے کہاکہ مارچ میں عمران خان اکثریت سے سینیٹ میں کامیاب ہو جائیں گے جس کی 20 فروری تک صورتحال بھی واضح ہو جائے گی۔ریلوے سے متعلق بات کرتے ہوئے شیخ رشید احمد نے کہا کہ حسن ابدال ریلوے اسٹیشن تاریخی ہے اس کی تعمیر نو اور تزئین کر دی گئی ہے۔انہوں نے کہا کہ وزیر اعظم عمران خان جلد ٹریکس اور کوچز کا افتتاح کریں گے، راولپنڈی میں 40 کوچز تیار کر رہے ہیں اور ایک کوچ پر90 لاکھ روپے کا خرچ آ رہا ہے۔

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More