The Pakistan Post
Daily News Publishing Portal

عمرہ مناسک بحالی کے دوسرے مرحلے پر مسجد حرام میں ساڑھے پانچ لاکھ نمازیوں کی واپسی … مسجد حرام میں نماز کے لیے آنے والے تمام نمازی نافذ کردہ ایس اوپیز پر عمل درآمد کویقینی … مزید

17

مسجد حرام میں نماز کے لیے آنے والے تمام نمازی نافذ کردہ ایس اوپیز پر عمل درآمد کویقینی بنائیں،حرمین انتظامیہ

اتوار اکتوبر
11:20

مکہ مکرمہ(اُردو پوائنٹ اخبارتازہ ترین – این این آئی۔ 18 اکتوبر2020ء) الحرمین الشریفین کے انتظامی امور کے ذمہ دار ادارے کی طرف سے بتایا گیا ہے کہ عمرہ مناسک کی بحالی کے دوسرے مرحلے پر 2 لاکھ 20 ہزار معتمرین کے استقبال کے ساتھ ساتھ مسجد حرام میں پانچ لاکھ 60 ہزار نمازیوں کو نماز ادا کرنے کی اجازت دی جائے گی۔ عمرہ کی ادائیگی کا دوسرا مرحلہ 14 دن تک جاری رہے گا۔ اس دوران الحرمین الشریفین میں آنے والے زائرئن اور اللہ کے مہمانوں کی صحت کی حفاظت کے لیے بھرپور اقدامات کئے گئے ہیں۔عرب ٹی وی کے مطابق جاری کردہ ایک بیان میں کہا گیا کہ عمرہ کے دوسرے مرحلے کی بحالی کے بعد مسجد حرام میں 40 ہزار نمازی نماز ادا کر کریں گے جب کہ ایک دن میں 15 ہزار عازمین عمرہ کے مناسک ادا کریں گے۔

(جاری ہے)

اس دوران روضہ رسول صلی اللہ علیہ وسلم پر حاضری دینے والے زائرین کی تعداد بھی بڑھا دی جائے گی۔

الحرمین الشریفین کی جنرل پریزیڈینسی نے نمازوں اور عمرہ کے مناسک کے حوالے سے مقرر کردہ اوقات کی سختی سے پابندی کی ضرورت پر زور دیا ۔ بیان میں کہا گیا کہ مسجد حرام میں نماز کے لیے آنے والے تمام نمازی کرونا کی وبا کے انسداد کے لیے نافذ کردہ ایس اوپیز پر عمل درآمد یقینی بنائیں، چہرے کو ماسک سے ڈھانپ کر رکھیں، ہاتھوں کو باقاعدگی کے ساتھ دھوئیں اور سینیٹائزر کا استعمال کریں۔ نمازوں اور عمرہ کے امور کے لیے مقرر کردہ انتظامیہ سے تعاون کریں۔ باہر سے کھانے پینے کی چیزیں لانے سے گریز کریں اور مسجد میں آمد ورفت کے اوقات کی پاسداری کریں۔اسی ضمن میں الحرمین پریزیڈینسی کے سربراہ ڈاکٹر عبدالرحمان السدیس نے مسجد نبوی اور روضہ رسول صلی اللہ علیہ وسلم پر حاضری کے لیے شیڈول جاری کیا ۔مسجد نبویﷺ میں خواتین کو صبح اشراق سے ظہر کی اذان تک قیام کرنے اور عبادت کی اجازت ہے۔ اس دوران ایک دن میں 900 خواتین نمازی مسجد نبوی میں داخل ہو سکتی ہیں۔اسی طرح ایک دن میں 11 ہار 880 زائرین کو روضہ رسولﷺ پر حاضری دینے اور آپ اور آپ کے صحابہ کرام پر درود و سلام بھیجنے کی اجازت ہو گی۔مسجد نبویﷺ میں داخلے کے لیے باب السلام کو مردوں کے لیے مختص کیا گیا ہے جب کہ مرد حضرات باب بلال سے روضہ رسولﷺ تک پہنچ سکتے ہیں۔ خواتین کے لیے باب عثمان باب 24 کو مختص کیا گیا ہے۔

متعلقہ عنوان :

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More