The Pakistan Post
Daily News Publishing Portal

عالمی یوم اوزون کے حوالے سے ماحولیاتی رپورٹنگ ورکشاپ کا انعقاد

14

بدھ ستمبر
21:48

کراچی۔16 ستمبر(اُردو پوائنٹ اخبارتازہ ترین – اے پی پی۔ 16 ستمبر2020ء) عالمی یوم اوزون کے حوالے سے کراچی پریس کلب میں پہلی ماحولیاتی رپورٹنگ ورکشاپ کا انعقاد کیا گیا۔ ورکشاپ سے نیشنل انسٹیٹیوٹ آف اوشنوگرافی کی ڈائریکٹر جنرل نزہت خان ، ماحولیاتی ماہر شاہد لطفی، سینئر رپورٹر امر گوریرو، مصطفی بلیدی ، صدر پریس کلب امتیاز فاران، سیکریٹری ارمان صابر ، جوائنٹ سیکریٹری ثاقب صغیر نے خطاب کیا جبکہ خارزن راجہ کامران نے نظامت کے فرائض سر انجام دیئے ۔ ورکشاپ کا اہتمام لکی سیمنٹ اور انوائرمنٹ کنسلٹنٹ اینڈ سروسز کے تعاون سے کیا گیا تھا۔ شاہد لطفی نے پاکستان میں ماحولیاتی قوانین کا اجمالی جائزہ پیش کیا، ساتھ ہی ملک میں ماحولیات کے انسانی زندگی پر پڑنے والے اثرات کے بارے میں آگاہ کیا۔

(جاری ہے)

شاہد لطفی نے کہا کہ ملک میں بہترین ماحولیاتی قوانین موجود ہیں مگر ان پر عملدرآمد نہیں ہورہا ہے۔

نزہت خان نے کہا کہ پلاسٹک کی وجہ سے شعبہ طب میں انقلاب برپا ہوا اور کروڑوں زندگیوں کو بچایا گیا ہے مگر پلاسٹک کو زندگی کے ہر شعبے میں شامل کرنے سے مسائل میں اضافہ ہوگیا ہے، سمندروں میں کروڑوں ٹن پلاسٹک کے جزیرے بن رہے ہیں جن کو ختم کرنے کے لئے دنیا پریشان ہے، آلودگی سے سمندری حیات کو خطرات لاحق ہیں۔ ارمان صابر نے کہا کہ ماحولیات رپورٹنگ انسانی زندگی سے متعلق ہے اور اس کو کرائم اور سیاسی رپورٹنگ کے مساوی اہمیت دی جائے۔ ورکشاپ میں سوال و جواب کا سیشن بھی ہوا۔جس کے بعد مقررین کو شیلڈ اور شرکاء میں سرٹیفکیٹ تقسیم کئے گئے۔

متعلقہ عنوان :

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More