The Pakistan Post
Daily News Publishing Portal

اینٹی کرپشن کوڈ کی خلاف ورزی،متحدہ عرب امارات کے 2 معروف کرکٹرز معطل … عامر حیات اور اشفاق احمد پر اینٹی کرپشن کوڈ کی 5 شقوں کی خلاف ورزی کا الزام ہے

2

دبئی (اردو پوائنٹ تازہ ترین اخبار ۔ 14 ستمبر 2020ء ) متحدہ عرب امارات (یو اے ای) کے 2 کرکٹرز اینٹی کرپشن کوڈ کی خلاف ورزی کرنے پر معطل کر دیئے گئے۔
غیر ملکی میڈیا کے مطابق یو اے ای کے کرکٹرز عامر حیات اور اشفاق احمد پر اینٹی کرپشن کوڈ کی 5 شقوں کی خلاف ورزی کا الزام ہے۔یو اے ای کرکٹ بورڈ نے دونوں کرکٹرز کو مزید تحقیقات تک معطل کر دیا ہے۔یاد رہے کہ گزشتہ سال بھی انٹرنیشنل کرکٹ کونسل (آئی سی سی) نے یو اے ای کے سابق کپتان محمد نوید سمیت تین کرکٹرز کو اینٹی کرپشن کوڈ کے تحت فرد جرم عائد کرتے ہوئے کومعطل کردیا تھا۔یو اے ای کی کرکٹ ٹیم کے سابق کپتان محمد نوید، انور بٹ اور قدیر خان پر کل 13 الزامات عائد کیے گئے تھے۔محمد نوید پر ورلڈ ٹی ٹونٹی کوالیفائرز اور امسال ہونے والی ٹی ٹین لیگ میں ممکنہ میچ فکسنگ کی پیشکش قبول کرنے کا الزام ہے۔

(جاری ہے)

ان پر بدعنوانی(کرپشن) کی پیشکش کی اطلاع نہ دینے پر بھی آئی سی سی قوانین کے تحت فرد جرم عائد کی گئی۔شیمن انور پر بھی یہی الزام ہے کہ انہوں نے بدعنوانی میں ملوث ہونے پر رضا مندی ظاہر کی اور ساتھ ہی آئی سی سی کو اس سے آگاہ بھی نہیں کیا۔قدیر خان پر الزام ہے کہ ان کے رواں سال سمتبر اور اگست میں ہونے والی سیریزمیں بدعنوان عناصر سے روابط رہے جس سے انہوں نے آئی سی سی کو آگاہ نہیں کیا۔مہر چیاکر پر بھی آئی سی سی سے تحقیقات میں تعاون نہ کرنے پر فرد جر م عائد کی گئی ہے۔

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More